Huldredansen

av Olga Haugen

Langt her inn på fly og vidde,
mellom trauste gråe fjell.
Sit eg tankefull - ser utover,
seint ein sumarkveld.

Høyre bekken renn og sildra.
Einsamt underleg og stilt,
medan brisen mjukt seg kviskra,
kring i fjellet vent og vilt.

Her er gamle tre med krok på,
som har stått her år for år.
Stridd i mot i vinterkavet,
fatta håp når det er vår.

Liv og leik i Jotunfjellet,
tusseskrål og huldreskratt.
Styr og ståk på ymse stelle,
feleslått i ljose natt.

Huldra vilt på Besegg dansar,
vakker yr med utslått hår.
Ho nesten ikkje sansar,
at tida snøgt mot morgon går.

Santhans-natt i fjell er over,
huldrebålet ikkje lenger brenn.
Tuss og troll i fjella sover,
slikt fær burt når sola renn.

Kjelde: Dikt, Eget forlag, 1999, s. 10